Штип повторно добива вода за пиење по стабилизирањето на сировата вода од „Злетовица“

По стабилизирањето на состојбата со сировата вода од хидросистемот „Злетовица“, жителите на Штип повторно добиваат вода за пиење.

Од ЈП „Исар“ информираат дека приемот на сировата вода од „Злетовица“ е стабилизиран, по што се создадени услови за продолжување на водоснабдувањето. претходно, ЈП „Исар“ информираше дека преработката на сировата вода била прекината поради екстремно зголемена матност, предизвикана од елементарната непогода во пробиштипскиот регион.