Почнува новата учебна година за 238 илјади ученици

Училишното ѕвонче ќе го означи стартот на новата учебна година за 238 илјади ученици. За првпат во училишните клупи ќе седнат скоро 15 илјади првачиња, за три илјади помалку од лани. Сите учебници се доставени и веднаш може да бидат поделени, уверува министерката за образование Јаневска.

Во 620 училишта ќе има едносменска настава. Ќе се затворат 26 рурални училишта. Годинава ќе има 433 паралелки помалку. Јаневска тврди дека нема да има отпуштање на наставниот кадар, а оние наставници кои немаат доволен фонд на часови ќе бидат во дневен престој.