Киев повторно под руски оган

Русија уште една ноќ по ред изврши напади врз Киев, со загинати и ранети, меѓу кои и деца. Во исто време, украински дронови ја погодија руската пристанишна инфраструктура во Уст-Луга. Зеленски најави нови длабоки удари и порача дека со претставници на Трамп работи на чекори кон прекин на војната.

„Разговаравме за тоа што може да се направи за Русија да ја заврши војната. За жал, сите разузнавачки проценки укажуваат дека рускиот лидер сè уште сака да продолжи со војната. Ќе видиме што ќе успеат да постигнат претставниците на американскиот претседател. Септември може многу да промени“, изјави Володимир Зеленски – претседател на Украина.

На маргините на состанокот на Г20 во Ешвил, пак, рускиот министер за финансии Силуанов се сретна со американскиот колега Бесант со кој разговарале за можен мировен план за Украина. Од Кремљ порачаа дека ако Зеленски сака преговори може да дојде во Москва.