Киев подготвува мерки по новата руска тактика

Украина подготвува пакет мерки како одговор на промената во руската тактика на напади, која сè повеќе се фокусира на масовна употреба на дронови. Киев ќе воведе нов двостепен систем за воздушна опасност и ќе ги преиспита правилата за полицискиот час. Зеленски изјави дека Германија ќе испрати дополнителни ракети за противвоздушна одбрана, а првите авиокомпании веќе ги прекинуваат летовите кон руските аеродроми поради заканата од дронови.

„Германија – ќе има дополнителни ракети за нашата противвоздушна одбрана, канцеларот ми го потврди тоа. Во меѓувреме, првите авиокомпании почнаа да одбиваат летови кон руските аеродроми поради реалната закана од дронови во рускиот воздушен простор“, изјави Володимир Зеленски, претседател на Украина.

Москва предупреди дека ќе возврати. Во меѓувреме, Трамп изјави дека сака самит со Русија и претседателот Путин кога ќе бидат подготвени да постигнат мировен договор со Украина. Во меѓувреме, Трамп изјави дека сака самит со Путин кога Русија и Украина ќе бидат подготвени за мировен договор. Тензиите дополнително се зголемија откако Германија ја обвини Москва за обидот за напад со дрон врз аеродромот Лајпциг, а Брисел и НАТО јавно застанаа зад Берлин и најавија засилен одговор. Москва ги отфрли обвинувањата.