Тодоров бара дисциплински мерки за докторите кои доцнат и го девалвираат „Мој термин“

162-јца доктори повеќе од три пати задоцниле на работното место. Пациентите ги оставиле да чекаат пред ординациите повеќе од еден час. Некои за сметка на тоа го продолжувале работното време, а го скратувале времето за прегледи. Со тоа, вели ресорниот министер Никола Тодоров, не го девалвирале само „Мој термин“ туку и здравствениот систем.

Тодоров бара од директорите на клиниките да поведат дисциплински мерки за несовесните доктори, а доколку не го направат тоа, тие ќе ги сносат последиците.

Најмалку доцнења има во општата Градска болница „8-ми септември“ и во Тетовскиот клинички центар.