Јанушев: Незаконското постапување на возачот е исклучиво негова лична одговорност

Генералниот секретар на Владата, Игор Јанушев се огради од постапувањето на приведеното лице. Тој порача дека за вакви постапки мора да има нулта толеранција, без разлика кој е сторителот.

„Целосно се оградувам од постапувањето на приведеното лице. Неговото постапување нема никаква врска со мене, со мојата функција, со моето работење или со каква било моја одлука или постапка. Лицето е возач кој во минатото работел и кај други функционери, а на позицијата возач кај генерален секретар е само околу шест месеци. Неговото незаконско постапување е исклучиво негова лична одговорност и за стореното треба да одговара пред надлежните институции“, вели генералниот секретар на Владата.