Заврши амандманската расправа за предлог- буџетот за 2015-та
Буџетот е базиран за раст на вкупниот бруто домашен производ од 4 насто. Државната каса ќе тежи 2,96 милијарди евра...
Заврши општата и амандманската расправа за предлог буџетот за 2015-та во матичната собраниска комисија. Од деветте амандмани владата не прифати осум, сите поднесени од пратеничката Роза Топузова- Каревска.
Виза доби само еден, на владејачкото мнозинство. Со него, преку прераспределба (реалокација), се обезбедуваат дополнителни 5 милиони денари за опремување на ново изградените простории за пратениците во Законодавниот дом.
Интенција на Владата е да ги зголемува расходите за инфраструктурни објекти. Буџетот е базиран за раст на вкупниот бруто домашен производ од 4 насто. Државната каса ќе тежи 2,96 милијарди евра.
Владата планира в година да им исплаќа повисоки плати на вработените во јавната администрација, а покачувањето ќе стартува од октомври годинава. Предвидено е и ново зголемување на пензиите и на социјалната помош.