НАСА откри мистериозни дупки на Марс
Вселенското возило „Кјуриосити“ на НАСА, кое веќе 14 години го истражува кратерот Гејл на Марс, откри нова и необична структура што би можела да даде дополнителни сознанија за геолошкото минато на планетата.
Продолжувајќи го искачувањето во областа Вале Гранде, каде што се наоѓаат слоеви на планината Шарп богати со сулфати, возилото забележало мали и плитки дупки на површината, широки околу еден сантиметар.
За разлика од вдлабнатините забележани претходно, околу овие дупки не биле пронајдени камчиња или минерални остатоци што се одвоиле како последица на ерозија.
Фактот што структурите се исклучително плитки и широки укажува на појава што се разликува од досега познатите процеси на ерозија на Црвената Планета.
Тимот на „Кјуриосити“ ги активирал камерите МАХЛИ и Масткам за подобро да го разбере механизмот на создавање на дупките.
Истражувањата продолжуваат со помош на снимки од непосредна близина и тридимензионални модели на површината направени во областа.
„Кјуриосити“, кој неодамна ја надмина границата од 1.000 метри висинска разлика при искачувањето на планината Шарп, продолжува да го истражува хемискиот состав и карактеристиките на ерозијата на различните слоеви карпи во регионот.
Научниците ќе продолжат да ги анализираат податоците за да утврдат дали новооткриените структури се резултат на досега непознат процес на ерозија или се поврзани со различните физички својства на карпите.