Зеленски: Нема да има мировни преговори пред изборите во Русија

Русија продолжува жестоко да удира низ Украина, додека шефот на украинската дипломатија Сибиха обвини дека Москва намерно ја таргетира цивилната инфраструктура. Зеленски, пак, изјави дека сериозни трилатерални разговори за завршување на војната не очекува пред руските избори на 20 септември.

„Мислам дека нема да имаме сериозни преговори пред или за време на изборниот период во Русија. Но, на крајот на септември би можеле да се сретнеме со американскиот тим во Њујорк и да разговараме за подготовка на трилатерална средба и за тоа каков резултат би можела да донесе“, изјави украинскиот претседател, Володимир Зеленски.

Канада во меѓувреме одобри 350 милиони канадски долари за пресретнувачки ракети за украинската воздушна одбрана. Кремљ порача дека нападите врз Украина ќе продолжат.