Пратенички прашања од опозицијата во Собранието
Во Собранието на пленарна седница, два часа резервирани за пратенички прашања од опозицијата. Пратениците прашуваат, власта одговара.
Најдоброто основно училиште Киро Глигоров на почеток од учебната година е претворено во градилиште, наместо реконструкцијата да се завршеше за време на распустот. Родителите се во шок, иако договорот за градежни активности е потпишан во февруари, работата на терен започнала дури на 7-ми август. Зошто дозволивте нередовна настава, праша пратеничката Сања Лукаревска од СДСМ.
Министерката за образование Јаневска појаснува-одобрението за реконструкција е од 28-ми јули. Проблем е што децата не учат и повика на обединување околу образованието и здравството. Ја обвини опозицијата дека со популизам сака да го крене рејтингот на партијата.
Министерот за здравство Клековски одговарајќи на прашање посочи дека состојбата со западнонилската треска секогаш е непредвидлива. Прскање против комарци имало во мај, за разлика од минатите години кога се прскало во јуни. Преземени се сите мерки за заштита, а фокусот на здравствените власти бил насочен кон граѓаните над 60-годишна возраст, кои се сметаат за најризична група за потешки последици од инфекцијата.
Миле А. Ристески