Околу 140 исчезнати по превртување ферибот во Индонезија

Индонезиските спасувачки служби соопштија дека околу 140 патници и членови на екипажот се водат како исчезнати откако ферибот со повеќе од 240 луѓе се превртел поради лошите временски услови во Јаванското Море.

Спасени се најмалку 102 лица, а пронајдено е и телото на еден патник.

Фериботот патувал од Источна Јава кон провинцијата Јужен Калимантан.

Капетанот на бродот претходно пријавил немирно море со бранови до три метри пред да испрати повик за помош, наведувајќи дека бродот се навалува.