Нарушувања во железничкиот сообраќај во Холандија

Саботажа предизвика сериозни нарушувања во железничкиот сообраќај во Холандија. Инфраструктурниот оператор „ПроРејл“ соопшти дека на повеќе локации намерно биле поставени материјали на шините, предизвикувајќи дефекти во сигналниот систем. Проблемите започнале изутрината, а погодени се најмалку 20 локации.

Поради нарушената сигнализација, безбедното движење на возовите е оневозможено. Најпогодени се линиите од Утрехт кон северот и истокот на земјата, а случајот го истражува националната полиција.