Македонско-австриски бизнис форум во Скопје

Стопанската комора на Северна Македонија и Трговското одделение при Австриската амбасада во Скопје – Advantage Austria, организираат македонско-австриски бизнис форум.

На форумот ќе учествуваат претставници на бизнис-заедницата од двете земји, а меѓу говорниците ќе биде и министерот за транспорт Александар Николоски.

Во фокусот на настанот ќе бидат можностите за унапредување на економската соработка меѓу Северна Македонија и Австрија, зголемување на трговската размена и отворање нови можности за инвестиции и деловно поврзување меѓу компаниите.