Во Косово големи собири пред изрекување на хашката пресуда за поранешните водачи на ОВК
Дел од граѓаните ја поминаа ноќта плоштад, а од утрово им се придружуваат и други сограѓани во исчекување на одлуката.
Во Приштина и другите градови во Косово големи собири пред изрекување на хашката пресуда за поранешните водачи на ОВК, Хашим Тачи, Кадри Весели, Реџеп Сељими и Јакуп Красниќи.
Дел од граѓаните ја поминаа ноќта плоштад, а од утрово им се придружуваат и други сограѓани во исчекување на одлуката. Набљудувачите во Косово веруваат дека обвинителството не успеало да докаже дека четворицата поранешни водачи на ОВК биле дел од заеднички злосторнички потфат и дека немало командна структура способна да издава наредби во сите зони каде што ОВК била оперативна.
Во последните денови, странските амбасади во Приштина најавија можни реакции по пресудата.