Ветераните на ОВК на протест по пресудите од Хаг

Организацијата на ветерани на ОВК за денеска одржува национален протест. Според нив, пресудата на Хаг го намалува значењето на нивната борба за слобода.

Специјализираните совети на Косово во Хаг пред два дена ги прогласија четворицата обвинети за воени злосторства – незаконско или произволно апсење и притворање, сурово постапување, тортура и убиство.

Тачи и Красниќи добија по 25 години затвор, Весели 18, а Селими 13 години. Истовремено, судот ги ослободи од обвиненијата за злосторства против човештвото.