Целосен колапс на националната електроенергетска мрежа во Куба

Цела Куба повторно без струја по целосен колапс на националната електроенергетска мрежа. Долготрајните прекини сериозно влијаат врз водоснабдувањето, болниците, производството на храна и јавниот превоз.

„Сè овде доаѓа како изненадување, но колапсот на Националниот енергетски систем не е нов; тоа е стара приказна. Нема решение. За жал, кој е засегнат? Населението“, изјави Евгенија Росалес 1.

„Поминуваме низ премногу работи. Овие постојани прекини се неподносливи. Нема доволно храна, вода, не можам ни да го објаснам тоа. Срцекршачко е она што се случува со земјата“, изјави Мерцедес Родригез 4.

Земјата е во тешка енергетска криза поради старите електрани, честите дефекти и недостигот од гориво и резервни делови, дополнително влошена од намаленото снабдување со нафта од Венецуела и Мексико. Владата во Хавана ги обвинува американските санкции. Засега не е позната причината за колапсот ниту кога ќе биде обновено снабдувањето.