Зголемени месечните трошоци во септември
Синдикалната кошница поскапа за 757 денари. На едно четиричлено семејство во септември му биле потребни 69 илјади 432 денари за минималните трошоци за живот, 36 проценти од парите за храна – покажуваат податоците на Сојузот на синдикати. Социјалдемократите критикуваат во Македонија е невозможно да се живее. Од ВМРО-ДПМНЕ велат – потрошувачката кошничка изработена од Трендафилов и ССМ не држи вода, владината просечна е за 10 насто поевтина.
Вредноста на синдикалната минимална кошница за месец септември 2026 година изнесува 69 432 денари, за еден месец се зголеми за 757 денари. Најмногу пари околу 25 илјади и 200 едно четиричлено семејство се трошат за храна. Овој месец натежна и трошокот за потребите за образование. Во Македонија стана невозможно да се живее поради огромниот раст на трошоците и катастрофалното управување со економијата од страна на Владата на Мицкоски, вели претседателот на СДСМ, Венко Филипче. Предупреди дека огромната економска и финансиска криза, во следниот период дополнително ќе се продлабочува.
Додека владата се бори за инвестиција плус која ќе донесе развој на економијата, високата технолошка индустрија, рударството, повеќе работни места, СДС и Филипче се против – велат од ВМРО-ДПМНЕ.
Од ВМРО-ДПМНЕ истакнуваат дека СДСМ не сакаат во Македонија да се градат рудници и дата центри, зошто тие признаваат само лични интереси.
Марина Стојанова -Тонева