Нови цени на горивата од полноќ: бензинот поевтинува, дизелот значително поскапува
Нови цени на горивата од ноќеска на полноќ поевтин бензин за денар и половина, но значително поскап дизел, дури за 5 и пол денари и ќе биде 104, и пол денари. Доколку, ескалира, Владата ќе ги преземе сите мерки за да го ублажи ризикот кон граѓаните, вели министерката за енергетика, Сања Божиновска. Во моментов има само една мерка, ДДВ-то од 18 на 10 проценти, но може да има и други намалувања, вели Божиновска.
Дизелот поскап за 5,5 денари, бензините поевтини за денар и половина. Регулаторната комисија ги објави новите цени на горивата. Дизелот ќе се продава за 104,5 денари, бензинот од 95 октани за 99, 98-ката за 101 денар, а цената на екстра лесното се намалува за 7 денари, па ќе се продава за 102 и пол денари. Мазутот поскапува.
Регулаторна објаснува – освен за дизелот, намалена акциза за 4 денари по литар се применува и за бензините и за екстра лесното, за кое како и кај дизелот важи и намалено ДДВ од 18 на 10 проценти. Дали ќе бидат преземени нови мерки за намалување на горивата ќе се знае во вторник по владината седница.
Опозициската СДСМ, пак, ја критикува власта дека не ги прифатила нивните мерки за целосно укинување на акцизата и намалување на ДДВ-то на 5%. поскапувањето на дизелот е удар врз семејните буџети, земјоделците, превозниците и целата економија.
Миле А.Ристески