Пронајдени 25 кесички со марихуана при претрес во дом во Скопје

Едно лице е лишено од слобода откако полицијата при претрес во неговиот дом во Скопје пронашла и одзела марихуана.

Како што информира МВР, вчера во 18:55 часот полициски службеници од Единицата за недозволена трговија при СВР Скопје го лишиле од слобода И.А. (38) од Скопје.

При претресот, извршен со судска наредба, биле пронајдени и одземени 25 полиетиленски кесички, како и други различни пакувања со марихуана.

Лицето е задржано во полициска станица. По целосно документирање на случајот, против него ќе биде поднесена соодветна пријава.