Мицкоски на состанок на лидерите на ЕУ и Западен Балкан во Њујорк

Македонската делегација, предводена од премиерот Христијан Мицкоски, денеска ќе учествува на состанокот на лидерите на Европската Унија и Западен Балкан во Њујорк, во рамки на Генералното собрание на Обединетите нации.

Состанокот ќе го води високата претставничка на ЕУ за надворешна политика и безбедност, Каја Калас.

Во пресрет на средбата, Мицкоски побара поголемо вклучување на претставници на ЕУ во разговорите за надминување на разликите со Бугарија.