Ноќно асфалтирање на мостот „Естакада“ во Гази Баба
Во ноќните часови се одвива санацијата и асфалтирањето на мостот „Естакада“ во Гази Баба, една од важните сообраќајни врски во Скопје. Зафатот опфаќа 1,5 километри коловоз и пристапни рампи со вкупна површина од 10.000 квадратни метри, а работите во ноќните часови се изведуваат со цел да се намалат сообраќајните застои.
Во ноќните часови се одвива асфалтирањето на мостот „Естакада“ во скопската општина Гази Баба, како дел од санацијата на оваа сообраќајна врска.
Зафатот опфаќа пристапни рампи со вкупна површина од 10.000 квадратни метри. Од нив, 3.800 квадратни метри се целосно обработени со гребење и вградување два нови слоја асфалт, додека на мостот се поставува нов асфалтен слој.
Се санира коловоз во должина од 1,5 километри. Поставени се и нови рабници и тротоари, а предвидено е бојадисување на заштитната пешачка ограда и поставување нови капаци за шахтите.
Од Град Скопје посочуваат дека работите се изведуваат во ноќните часови за да се намалат сообраќајните застои и да се избегнат дополнителни гужви во текот на денот.
Најавено е дека ваквата практика ќе продолжи и при други инфраструктурни зафати, каде што условите тоа го дозволуваат.