Пријавено врсничко насилство врз шест ипол годишно дете во Кочани

Нови случаи на врсничко насилство ги полнат полициските билтени. Последниот доаѓа од Кочани, каде 42-годишен маж во полиција пријавил дека во соблекувална од спортска сала на основно училиште, неговото шест ипол годишно дете било физички нападнато, соблечено и снимано со паметен часовник од неколку други малолетни деца, кои биле нешто поголеми од неговото дете.

За настанот се известени јавен обвинител и Центарот за социјална работа. Се преземаат мерки за расчистување на случајот.