Екстрадиран Воислав Будисављевиќ, партнерот на Мадам Пепи
Будисављевиќ беше недостапен од почетокот на 2010-тата кога беше осуден на 3 ипол години затвор заради фалсификување исправи...
Изутрината од Белгија во Скопје е екстрадиран Воислав Будисављевиќ осуден во отсуство во процесот „Мадам Пепи“.
Белгиските судски власти минатиот месец дале зелено светло за неговото испорачување. Будисављевиќ беше недостапен од почетокот на 2010-тата кога беше осуден на 3 ипол години затвор заради фалсификување исправи.
Истовремено во случајот беше обвинета и Персида Момировска, позната како Мадам Пепи, која го снабдувала македонскиот џет сет со брендирана стока.
Момировска ја одлежа затворската казна и е на слобода, велат од судот. Сомневањата тогаш беа дека пратката од 2 килограми кокаин од Перу ја набавил Будисављевиќ.
Мадам Пепи пред судот негираше дека кокаинот бил наменет за неа.