Крвава ноќ во Јужна Африка: 27 загинати во две масовни пукотници

Крвава ноќ во Јужна Африка. 27 лица загинаа, повеќемина се ранети во две одделни масовни пукотници што се случиле за само неколку часа. Првиот инцидент бил во бар западно од Јоханесбург, каде вооружени лица со калашникови и пиштоли отвориле оган врз гостите, кои биле внатре и надвор од локалот. Во нападот загинале 13 мажи и четири жени.

Во вториот инцидент во близина на Кејптаун, во напад на забавен објект биле убиени 10 лица, додека 11 се ранети. И таму, вооружени лица отвориле оган врз гостите.