Масивни поплави во Тајланд, 62 лица загинаа и во Индија

Критична состојбата на Тајланд. Поројните дождови кои неколку дена врнеа предизвикаа големи поплави. Речиси 300 милилитри дожд наврнале викендов што ги преполни главните канали и водотеци. Властите ја прогласија областа околу Бангкок за зона погодена од катастрофа. Поради поплавените патишта, сообраќајот и натаму се одвива отежнато, а жителите имаат проблеми и со набавката на основните производи.

„Вознемирена сум поради тоа колку долго ќе траат поплавите. Стравувам дека ќе се одолговлечат и дека ќе останеме без храна – а имам дете за кое треба да се грижам. Тешко е да се излезе и да се набават залихи, во многу продавници веќе нема храна, а недостигот штотуку почнува“, изјави жител на Талјанд.

„Воопшто не спиев, ниту пак јадев нешто. Бев под стрес – се грижев дека водата нема да се повлече и чувствував вознемиреност за тоа што може да се случи. Секогаш кога врне, седам надвор и внимавам на ситуацијата“, изјави жител на Тајланд.

Властите вложуваат максимални напори за испумпување на водата, но нивото на водостојот и натаму останува критичен. Според проценките, ќе бидат потребни два до три дена за повлекување на поплавите, под услов подолг период нема дождови. Поплави има и во Индија каде што загинаа 62 лица.