Бесплатни кардиоваскуларни прегледи по повод Светскиот ден на срцето
По повод Светскиот ден на срцето, Институтот за јавно здравје денеска организира теренска превентивна активност во трговскиот центар „Дајмонд Мол“ во Скопје. Граѓаните ќе можат да добијат бесплатен преглед и совети од стручни лица.
По повод 29 Септември – Светскиот ден на срцето, Институтот за јавно здравје денеска организира теренска превентивна активност насочена кон подигнување на свеста за кардиоваскуларното здравје и превенцијата на кардиоваскуларните заболувања.
Од 10:30 часот, тимови од ИЈЗ ќе бидат поставени на пункт во трговскиот центар „Дајмонд Мол“, каде граѓаните ќе можат да добијат бесплатен преглед и совети од стручни лица.
Пунктот ќе го посети и министерот за здравство Сашо Клековски.
Целта на активноста е преку непосреден контакт со граѓаните да се укаже на важноста од редовна грижа за здравјето, навремено препознавање на ризик-факторите и усвојување здрави животни навики.