Во тек протест на земјоделците од Пелагонискиот регион

Со блокада на патот Прилеп-Битола, во тек е протест на земјоделците од Пелагонискиот регион.

На овој начин земјоделците го искажуваат револтот од неповолните состојби во аграрот, односно, како што велат, од ниските цени и неорганизираниот откуп, неисплатените субвенции и проблемите со програмата за субвенционирање.

Организатори на протестот се земјоделските здруженија „Фармери југозапад“ од Прилеп и „Пелагониско поле“ од Битола.