Русија со нови млазни дронови врз Украина, Киев возвраќа со удари
Русија продолжува со напади врз украинската енергетска инфраструктура, при што за првпат употребила млазен дрон со боева глава за гаѓање далноводи и мостови. Киев возвраќа со удари врз руски цели, додека Москва предупредува дека европските фабрики што произведуваат оружје за Украина може да бидат воени цели.
Русија за прв пат употреби млазен дрон со боева глава за уништување далноводи и челични мостови, во време на обновените руски напади врз украинската енергетска инфраструктура пред зимата. Експлозии и пожари повторно одекнуваат во Киев, на удар Одеса и пристаништетето Чорноморск. Киев возвраќа со удари врз руски цели и тврди дека развил технологија за пресретнување на руските млазни дронови.
„Нашите операции против руската воена логистика продолжуваат без прекин. Ги уништуваме руските ударни способности и спречуваме инфилтрации. И покрај тешките услови и постојаните напади, нашите војници постигнуваат резултати што се неопходни за Украина“, изјави Володимир Зеленски, претседател на Украина.
Москва се закани дека европските фабрики што произведуваат оружје за Украина се потенцијални воени цели.