Различни приоритети и програми на кандидатите за градоначалник на Брвеница
Кандидатите за градоначалник на Брвеница ги претставуваат своите приоритети и визии за развој на општината. Во трката учествуваат шест кандидати, од кои двајца се независни.
Продолжување на проектите и патот на претходниот градоначалник Јовица Илиевски, најавува кандидатот на ВМРО-ДПМНЕ за Брвеница.
Подобрување на инфраструктурата и на животната средина и еднакви можности за сите, стои во програмата на кандидатот на СДСМ.
Програмата на „Вреди“ се базира на четири столбови, а еден од нив се однесува на младите и нивните можности за иднината.
Кандидатот на ДУИ вели дека има визија за пофункционална, поразвиена и поорганизирана Брвеница.
Независниот кандидат Душан Богдановски најавува иницијатива за формирање на мали и средни општински претпријатија.
Во трката за градоначалник учествува и независната кандидатка Арифе Идризи, од којашто не добивме повратен одговор на барањето за изјава.
Марија Котовска