Трамп: Војната со Иран наскоро ќе заврши

Американскиот претседател Доналд Трамп изјави дека војната со Иран наскоро ќе заврши, предвидувајќи дека цените на нафтата нагло ќе паднат штом конфликтот ќе запре. Нарекувајќи го Иран „насилник на Блискиот Исток“, Трамп изјави дека Техеран „никогаш нема да има нуклеарно оружје“.

„Таа војна наскоро ќе заврши, на еден или друг начин, веројатно веднаш по изборите на средината на мандатот. Цената на нафтата драстично ќе падне, мислам можеби дури и пониско отколку што беше претходно“, изјави американскиот претседател, Доналд Трамп.

Според Трамп, некој морал да ја заврши валканата работа со Иран, но тоа требало да се направи уште пред многу години, бидејќи Иран, како што рече Трамп, е насилник на Блискиот Исток 51 година.