40 години епископска дејност на г.г. Стефан
Со света утринска литургија и присуство на македонските владици, во Соборниот храм „Свети Климент Охридски“ одбележан празникот на сите македонски светители, но и одбележување на 40 години од епископската служба на поглаварот на МПЦ - Охридска архиепископија г.г. Стефан.
Со света утринска литургија и присуство на македонските владици, во Соборниот храм „Свети Климент Охридски“ одбележан празникот на сите македонски светители, но и одбележување на 40 години од епископската служба на поглаварот на МПЦ - Охридска архиепископија г.г. Стефан.
За 40 години доживеавме многу искушенија, кога бевме отфрлани и непризнаени, но мина време, рече г.г. Стефан, кога покажавме трпение и наоѓавме сили да ја браниме и одбраниме вистината за Охридската архиепископија и нејзината канонска наследничка, Македонската православна црква.
Архиепископот посочи кога си споменуваме за светите просветители, увидуваме дека образованието не е само полнење на умот со знаење. Човек може да е учен, но да е духовно неук. Укажа на недоволната застапеност на веронауката во образовниот процес.
Архиепископот охридски и македонски, г.г. Стефан хиротонисан е за епископ на 12 јули 1986 година во храмот „Свети Димитриј“ во Скопје, како митрополит злетовско-струмички.
На 10 ти октомври 99-та востоличен е како петти поглавар на Македонската православна црква и оттогаш тој ја извршува должноста архиепископ охридски и македонски и на Прва Јустинијана, а истовремено е и надлежен архијереј на Скопската православна епархија.
Миле А. Ристески