Стопанската комора предлага измени на Законот за празниците

Стопанската комора денеска ќе ги презентира своите предлози за измени на Законот за празниците, со кои, како што најавува, треба да се оптимизира бројот на неработни денови и да се зголемат продуктивноста и економската ефикасност.

На прес-конференцијата на тема „Празниците во Македонија и нивното влијание врз економијата“, Комората ќе ја претстави анализата на постојниот систем на празници во државата.

Ќе биде презентирана и споредба на бројот на неработни денови по основ на државни празници во земјава и во други европски земји во текот на 2026 година.