„Ало докторе“: 237 јавувања за два дена

На телефонската линија „Ало докторе“, во изминативе два дена совет побарале вкупно 237 граѓани. Само едно лице е преночено кон службата за Итна медицинска помош, поради критичната состојба. Граѓаните барале медицинска помош за висок крвен  притисок, главоболка и респираторни симптоми.

Од овој месец 17 доктори- специјалисти вкупно се достапни за граѓаните 24 часа за соодветна здравствена услуга преку здравствен совет и соодветна симптоматска терапија.

Денес на дежурство во кол- центарот на „Ало докторе“ од 18 до 22 часот ќе биде д-р Горан Панчевски – директор на Клиниката за максилофацијална хирургија, а во сабота директорката на Здравствен дом- Скопје д-р Татјана Баевска-Вучковиќ, специјалист педијатар.