Вашингтон е подготвен за договор, но бара конкретни чекори од Иран

Иран мора значително да ги намали капацитетите за збогатување ураниум ако сака договор со САД и крај на седуммесечната војна, порача потпретседателот Венс. Вашингтон е подготвен за договор, но бара конкретни чекори, а не ветувања.

Во меѓувреме, продолжуваат разговорите за прекин на конфликтот и повторно отворање на Ормускиот Теснец. САД потврдија дека тие се во тек, но не се сигурни кој ги носи конечните одлуки во Техеран.

„Нивните лидери ги нема. Го нема и нивниот втор круг лидери. А најголемиот проблем што го имам е што никој не знае кој, по ѓаволите, ја води земјата“, изјави американскиот претседател Доналд Трамп.