Различни ставови за укинување на ветото во процесот на проширување
Брисел отвора нова дилема за проширувањето – дали ветото за билатерални спорови треба да остане? Европратениците поделени, а во дебатата се споменува и Северна Македонија.
Двотретинското гласање за проширување и ограничување на правото на вето поради билатерални спорови наиде на различни реакции од европратениците. Едни се „за“, други не се откажуваат од правото на вето.
„Едногласноста е важен чекор, што сега е поотворен за случаи. Добро е да остане за почеток преговори и прифаќање нова членка, но не за меѓучекори како за отворање на кластери“, изјави европратеникот Томас Вајц.
„Укинувањето на едногласноста и замената со квалификувано мнозинство е избрзано и не треба да се брза со прием на секој кандидат ако не е подготвен. На пример Северна Македонија каде се нарушуваат човековите права“, нагласи бугарскиот европратеник Станислав Стојанов.
„Господине Стојанов, и јас сум за едногласност, но не да се злоупотребува. Не сакаме да го укинеме туку за да бидеме поефективни, за некои одлуки членките ќе дискутираат да гласаат со мнозинство“, возврати еврокомесарката за проширување Марта Кос.
Еврокомесарката Кос нагласи дека билатералните спорови немаат ништо заедничко со проширувањето и треба да се решаваат билатерално.
Ирина Гелевска