Обучени наставници за примена на вештачката интелигенција во наставата

Најуспешните наставници и училишта што учествуваа во деветмесечната обука за вештачка интелигенција добија сертификати. Обуките ги организираше Министерството за образование и наука во соработка со „Brainster Next“.

Министерката Весна Јаневска истакна дека целта е наставниците да се стекнат со знаења за правилна и одговорна примена на вештачката интелигенција и да им помогнат на учениците да ги користат новите технологии без да ги занемарат критичкото размислување и креативноста.

Десетмина од обучените наставници се избрани за образовни амбасадори за вештачка интелигенција. Јаневска посочи дека наставниците треба да го споделуваат стекнатото знаење со колегите и да продолжат да го надградуваат.

Од Министерството најавија продолжување на активностите за интегрирање на современите технологии во воспитно-образовниот процес.