Потрошувачка кошница

Околу 11.000 денари помалку од синдикалната, толку чини просечната потрошувачка кошница на Министерството за економија за август, односно 58.845 денари. Министерот Дурмиши рече дека разликата од околу 19,5% е во методологијата, односно во производите и трошоците што се пресметуваат.

Министерот вели – не сакаме да се тркаме во пресметките со синдикалците, туку реално да ги претставиме трошоците, односно, реалната потрошувачка и цените на производите и на услугите. Во Владиниот есап не влегуваат цигари, алкохол, кирии.

Во однос на инфлацијата од 2,7% за септември, министерот рече дека земјава има пониска инфлација од европскиот просек и дека намалувањето на акцизите за горивата помогнало да се заштити животниот стандард.

Допрецизирање на кошницата и анализа на податоците ќе се носи на ЕСС на 19-ти месецов, за што детално ќе се анализира.

Околу 30.000 граѓани земаат минимална плата, но според Владата, останатите 98% од вработените земаат над минималецот.

Борис Грујоски