Потрошувачката кошница ќе биде презентирана на ЕСС
Постои минимална и просечна потрошувачка кошничка, Владата прави статистика врз критериуми на ЕВРОСТАТ вели премиерот Мицкоски. На следниот Економско-социјалниот совет пресметката ќе биде презентирана пред сите чинители. Премиерот најави и продолжување на кризната енергетска состојба за заштита на стандардот на граѓаните.
Чија кошничка тежи повеќе, предложената од синдикатите или онаа на Владата? Засега нема несогласувања по предлозите од Владата, но премиерот имал лични забелешки истакна самиот тој. Најави дека на следниот Економско-социјалниот совет пред сите чинители ќе биде презентирана пресметката за потрошувачката кошничката предложена од Владата, а која се базира на критериумите на ЕУРОСТАТ и кои важат за целиот свет.
Кризната енергетска состојба која истекува на 21-ви месецов Владата ќе ја продолжи до април за уште шест месеци.
Премиерот Мицкоски ги отфрли критиките на опозицијата за задолжувањето на државата. Истакна дека во периодот на актуелната влада јавниот и државниот долг се зголемиле за помалку од 1,4 милијарди евра, додека бруто-домашниот производ пораснал за четири милијарди евра. Тој направи споредба со периодот од 1 јануари 2018 до 31 декември 2023 година, кога на власт беа СДСМ и ДУИ, посочувајќи дека во тој период јавниот долг се зголемил за 3,7 милијарди евра, а БДП за 3,9 милијарди евра. Претседателот на Владата очекува годинава растот на БДП да биде меѓу 3,5 и 4 отсто.
Александра Велинова