Руралната жена бара глас во одлучувањето
Го произведуваат она што го јадеме, но немаат глас во одлуките што им го кројат секојдневието. Жените од руралните средини бараат повеќе од признание за својот труд - бараат место на масата каде што се одлучува.
Ленче Петкоска од прилепското село Мало Коњари смета дека е дискриминирана. Руралните жени не се само производителки на храна, туку имаат и свои предлози за решавање на локалните проблеми. Сепак, тие не се доволно вклучени во работата на месните заедници, ниту навремено се информирани за активностите на Општината.
И младите жени во руралните средини се чувствуваат исклучени од општествените процеси.
Недоволниот јавен превоз, неинформираноста за локалните политики и малата вклученост во работата на месните заедници се дел од проблемите со кои се соочуваат жените во руралните средини.
Жените во руралните средини бараат нивниот глас да биде слушнат и да има поголема тежина во донесувањето одлуки и решавањето на локалните проблеми.
Елизабета Митреска