Руски воздушен напад врз Киев, една жена загина, три лица се повредени

Една жена загина, а три лица се повредени во руски воздушен напад врз Киев во текот на ноќта. Погодена е метро-станица, оштетена е и станбена зграда од 25 ката, соопшти градоначалникот Кличко.

Во меѓувреме, украинскиот претседател, Зеленски, соопшти дека САД повторно почнале да и доставуваат клучни разузнавачки информации на Украина, за да и помогнат во одбраната од руските ракетни напади.