Трамп ја повика Украина да постигне договор со Русија за завршување на војната

Американскиот претседател Доналд Трамп ја повика Украина да постигне договор со Русија за завршување на војната, предупредувајќи дека последиците би можеле да бидат сериозни. Во исто време САД повторно почнаа да споделуваат разузнавачки информации со Украина, по средбата на Зеленски и Виткоф.

„Украина мора да сака да склучи договор, бидејќи Соединетите Држави потрошија цело богатство. Европа исто така потроши богатство. Европа е веќе уморна од сето ова. Уморни се, а ако не склучат договор, според мене, ситуацијата само ќе се влошува. Русија е многу голема земја. Имаат многу луѓе, имаат голем човечки потенцијал. Украина, од друга страна, нема толку многу луѓе на располагање. Време е за договор“, изјави Доналд Трамп, претседател на САД.

По вчерашниот мировен состанок во Осло, Европската Унија објави дека планира да ги засили дипломатските напори за да ги поттикне Канада и Велика Британија да издвојат дополнителни средства за Украина, со цел да се намали финансискиот недостиг од околу 70 милијарди евра.