Селска депонија кај Еднокуќево ја зачади струмичката котлина
Пожар на селска депонија ја зачади струмичката котлина. Пожарот претпладнево беше ликвидиран и затрупан со земја. Од здрава котлина чиј претставник излезе да протестира пред општинската зграда побараа решевање на овој проблем …
Пожарот на селската депонија кај Еднокуќево е изгаснат а критичните жариште потрупани со земја. Цела вечер жителите од оваа и околните населени места се задушуваа во чад и непријатна миризба. Денеска на терен освен пожарникарите интервенираше и градежна механизација. Градоначалникот Ристо Манчев се сомнева дека пожарот бил подметнат.
Еко активистот Стојан Велков Трн денеска во 5 до 12 излезе да протестира пред општината. Побара локалните власти да најдат решение за зачестените пожари на депониите во Општина Босилово и нивна санација.
Во струмичко секое село има своја депонија каде се фрла секаков отпад. Од градежен шут, земјоделски отпад и пластика па се до покуќнина и претставуваат проблем за општинита.
Ване Трајков