Јаневска на министерски состанок за истражување и иновации во Брисел

Министерката за образование и наука, Весна Јаневска, денеска во Брисел ќе учествува на министерскиот состанок на Управувачката платформа за истражување и иновации за Западен Балкан, во организација на Европската комисија.

Во рамки на состанокот, Јаневска ќе учествува во дебати посветени на креирањето политики за поддршка на иновациите и размената на добри практики во областа на истражувањето.

Предвидена е и билатерална средба со европската комесарка за стартапи, истражување и иновации, Екатерина Захариева, информираат од Министерството за образование и наука.