УЈП со предупредувања за приливи од странство во 2021 година – граѓаните да ги проверат даночните обврски

Управата за јавни приходи испраќа предупредувања до граѓаните. Се проверуваат податоците за приливите од странство, остварени во 2021 година, се праќаат известувања за плаќање данок. 

„Доколку обврските не се исполнат доброволно во дадениот рок, ќе се преземат мерки во рамки на законските надлежности за утврдување на данокот“, велат од УЈП, од каде што апелираат до сите физички лица кои имале прилив од странство да ја проверат својата даночна обврска и, доколку е потребно, навремено да поднесат електронска пресметка и да го платат данокот.