Партиски реакции по изборите во Србија
Лидерот на СДСМ, Венко Филипче, ја обвини власта за поврзаност со структурите на СНС во Србија преку, како што рече, коруптивни шеми во енергетиката и шверц на дрога. ВМРО-ДПМНЕ ги отфрли обвинувањата, обвинувајќи го Филипче дека шири лаги.
Венко Филипче честитајќи ја победата на српските граѓани за изборниот резултат обвини дека власта во Македонија е поврзана со структурите на СНС во Србија преку, како што рече, коруптивни шеми во енергетиката и шверц на дрога.
Тврди дека Александар Вучиќ му давал насоки на премиерот Христијан Мицкоски. Според лидерот на СДСМ, структурите поврзани со Вучиќ и Виктор Орбан, заедно со ВМРО-ДПМНЕ, со години ја држеле Македонија во медиумски мрак.
Ако Филипче мисли дека една иста лага повторена 1.000 пати ќе стане вистина, тоа не може да биде така, реагираа од владејачката партија. Врските на Филипче и Вучиќ не може да се избришат ни со 1.000 прес-конференции против Вучиќ.
Од ВМРО-ДПМНЕ и со порака, доколку Филипче сака да опстане уште некој месец во политиката до избори, треба да си го гледа сопствениот двор, а не да мисли дека со лаги може да ја изврти реалноста.
Ана Јосифоска