Искра Хаџи Василева избрана за нова шефица на Обвинителството за организиран криминал и корупција

Искра Хаџи Василева избрана за нова шефица на Обвинителството за организиран криминал и корупција.

Искра Хаџи Василева е избрана за нова шефица на Основното јавно обвинителство за гонење на организиран криминал и корупција.

На денешното гласање освои 64 гласа од вкупно 171 важечко гласачко ливче.

Втор по бројот на гласови е Трајче Пеливанов со 57, Јован Цветановски освои 30, Фатон Азизи 14, а Лидија Раичевиќ шест гласа.

Четири ливчиња биле неважечки, додека 12 јавни обвинители не го искористиле правото на глас.

Гласањето се одвиваше на пет изборни места во државата, а резултатите беа сумирани на јавна седница на Советот на јавните обвинители.

Републичкиот јавен обвинител Ненад Савески го оцени изборот како значаен демократски процес и изрази надеж дека новото раководство ќе придонесе за поефикасна борба против организираниот криминал и корупцијата и за зајакнување на довербата во институцијата.

Хаџи Василева доаѓа на местото на Ислам Абази, чиј мандат истекува.