Народниот правобранител ќе прима пријави за повреда на избирачкото право
Од канцеларијата на омбудсманот потсетуваат дека гласањето е уставно загарантирано, слободно и тајно, а секоја повреда или притисок врз избирачите е казниво дело за кое ќе се преземаат итни мерки.
Подрачната канцеларија на Народниот правобранител во Тетово денес ќе биде отворена, а граѓаните ќе може да пријавуваат евентуални повреди на избирачкото право.
Од канцеларијата на омбудсманот потсетуваат дека гласањето е уставно загарантирано, слободно и тајно, а секоја повреда или притисок врз избирачите е казниво дело за кое ќе се преземаат итни мерки.
Подрачната канцеларија во Тетово ќе биде отворена од 7 до 19 часот. Граѓаните пријавите ќе можат да ги поднесат лично во канцеларијата или телефонски на бројот 044 344-082.
Од Народниот правобранител информираат дека ќе преземаат итни мерки за да обезбедат ефективно постапување на надлежните органи и институции во заштитата на загарантираните права на граѓаните во изборниот процес.