Стотици илјади на протести во Франција
Во Париз, Лион и повеќе градови низ земјата вчера се одржаа масовни протести и штрајк во јавниот сектор, поттикнати од ескалацијата на трошоците за живот, состојбата во образованието и социјалните услуги.
Франција се соочува со најголемите граѓански немири во последните неколку години. Во Париз, Лион и повеќе градови низ земјата вчера се одржаа масовни протести и штрајк во јавниот сектор, поттикнати од ескалацијата на трошоците за живот, состојбата во образованието и социјалните услуги.
Според Министерството за внатрешни работи, на протестите низ земјата излегле најмалку 270.000 луѓе. Собирите почнаа мирно, но набрзо ескалираа во судири со полицијата.
Во Париз и Лион полициските сили беа принудени да употребат солзавец против групи демонстранти, а во близина на Тулуз избувна и пожар во средно училиште.