Мицкоски на отворање нов производствен капацитет на „АСП-ПАК“ во Охрид
Нов производствен капацитет на компанијата „АСП-ПАК“ денеска ќе биде пуштен во употреба во Охрид. На свеченото отворање ќе присуствува премиерот Христијан Мицкоски. Компанијата извезува производи во повеќе од 50 земји и соработува со над 500 клиенти ширум светот.
Премиерот Христијан Мицкоски денеска ќе присуствува на свеченото отворање на новиот производствен капацитет на компанијата „АСП-ПАК“ во Охрид. По настанот, предвидена е изјава за медиумите.
Компанијата „АСП-ПАК“, основана во 2000 година, произведува плетени полиетиленски производи за пакување, како и мрежи за земјоделството, градежништвото и индустријата.
Нејзините производи се извезуваат во повеќе од 50 земји, а компанијата соработува со над 500 клиенти, меѓу кои и на пазарите во Европа и Северна Америка. Во производствената програма се вклучени заштитни и противградни мрежи, мрежи за засенување и заштита од ветер, како и различни видови мрежести вреќи.