Гади Ајзенкот доби мандат за составување нова израелска влада

Гади Ајзенкот, поранешен началник на Генералштабот и лидер на партијата Јашар, доби мандат за составување нова израелска влада од претседателот Херцог. Тој има 28 дена да обезбеди мнозинство, со можност за продолжување за уште две недели.

„Државата Израел има потреба од стабилна влада способна да се справи со овие предизвици на долг рок. Ова е моментот да се направи сè што е можно за единство на нацијата и да се формира најдобрата и најстабилна влада за граѓаните на Израел“, изјави ИсакХерцог, претседател на Израел.

Ајзенкот најави формирање влада на национална вонредна состојба, со четири принципи, меѓу кои задолжителна служба за сите граѓани и целосно разоружување на Хамас и укинување на неговата власт.

„Израел има потреба од ново раководство, како од кислород за да дише. На Израел му е потребна нова влада“, изјави Гади Ајзенкот,  мандатар за составување влада.